ဆရာကြီး ကြည်စိုး IC နှင့် Union House Myanmar မှ ဉီးစည်သူမင်း တို့ သိထားသင့်သော အိမ်ခြံမြေအကြောင်း အမေးအဖြေကဏ္ဍ

ဆရာကြီး ကြည်စိုး IC နှင့် Union House Myanmar မှ ဉီးစည်သူမင်း တို့ သိထားသင့်သော အိမ်ခြံမြေအကြောင်း အမေးအဖြေကဏ္ဍ

မေး။ ။ ကျွန်တော်ကို Union House Myanmar အိမ်ခြံမြေ company မှာအိမ်ခြံမြေဝယ်သူတစ်ယောက်အနေနဲ့ ဘယ်လို အချက်တွေများ သိထားသင့် ပြင်ဆင်သင့် ပါသလဲခဗျာ။

ဖြေ။ ။ ဟုတ်ကဲ့ အခု Union House Myanmar က မေးသလိုဘဲ အိမ်ခြံမြေ ဝယ်သူတစ်ယောက်က ဘာသိထားသင်သြလဲဆိုတာကို ဥပဒေနဲ့ ယှဉ်ပြီး ပြောပေးပါ့မယ် တစ်ချိန်က အိမ်ဝယ်မြေဝယ် တယ်ဆိုတာကို ပိုက်ဆံရှိရင် ပြီးတယ်လို့ ထင်ကြပါတယ် အခုကြတော့

အိမ်ခြံမြေဆိုတာ ဥပဒေအရ မရွှေ့မပြောင်းနိုင်သော ပစ္စည်းတြွေဖစ်ကြပါတယ် မရွှေ့မပြောင်းနိုင်တဲ့ပစ္စည်းတွေကို ဝယ်ယူတယ်ဆိုတာ ပိုင်ဆိုင်မှုကို ဘဲဝယ်ယူရတာပါ။ ပိုင်ဆိုင်မှုဆိုတာကလည်း စာရွက်စာတန်းကိုဘဲ ဝယ်ယူရတာပါ ဒါကြောင့် စာရွက်စာတန်း မှန်မမှန်ဆိုတာကို ဝယ်ယူသူက စစ်ဆေးရမယ်လို့ ဥပဒေမှာပါပါတယ်ခင်ဗျာ။ ဒါကြောင့် စာရွက်စာတန်း မှန်မမှန် စစ်ဆေးခြင်းသည် ဝယ်ယူသူ၏ တာဝန်သာ ဖြစ်ပါတယ်။ ဒီလိုဝယ်ယူသူတွေရဲ့ အခက်အခဲတွေကို ပံ့ပိုးဖို့ ကတော့ Union House Myanmar ရဲ့ လုပ်ငန်းတွေဘဲ ဖြစ်ပါတယ်။

ဒုတိယ အချက်တစ်ချက်ကတော့ သတင်းစာ ကြော်ငြာခြင်းဖြစ်ပါတယ်.. သတင်းစာဟာ မကြော်ငြာလို့ကို မရပါဘူး အခြေအနေအရ မဝယ်ခင်မှာဘဲဖြစ်ဖြစ် ဒါမှမဟုတ် စရန်ပေးပြီးတဲ့ အချိန်မှာဘဲဖြစ်ဖြစ် သတင်းစာမှာ လုပ်ကိုလုပ်ကြရပါတယ် ဆိုတာကိုတော့ ဝယ်ယူသူများက သိထားရပါမယ်ခင်ဗျာ.. နောက်ဆုံးတစ်ချက်ကတော့လေ ကိုယ်က ဝယ်ယူပိုင်ဆိုင်ပြီးတဲ့အိမ်ခြံမြေကို ထာဝစဉ်ပိုင်ဆိုင်ဖို့ နှစ်အကြာကြီးရာနဲ့ချီ ပိုင်ဆိုင်ဖို့ ကျွန်တော်တို့က စာရွက်စာတန်းပြည့်စုံရမှာဖြစ်တဲ့အတွက် အမည်ပြောင်းခြင်းစာချုပ်လို့ပြောတဲ့ စာချုပ်စာတန်း မှတ်ပုံတင် ရုံးလုပ်ငန်းတွေဟာ ဝယ်ယူသူရဲ့တာဝန် ဝယ်ယူသူရဲ့ လုပ်ငန်းဖြစ်ပြီးတော့ ဒီလုပ်ငန်းတွေကို တကယ်ကူညီမှာကတော့ Union House Myanmar က ဖြစ်ပါတယ်ခင်ဗျာ.. ဒါကြောင့် အဲဒီအချက် (၃) ချက်ကိုတော့ မမေ့ကြရပါဘူး ဒါကတော့ ဝယ်ယူသူတိုင်း သိထားသင့်တဲ့ အချက်တွေပါ..

မေး။ ။ ဒုတိယအနေနဲ့ အိမ်ခြံမြေဝယ်ယူတယ်ဆိုတာ ရင်းနှီးမြှုပ်နှံမှုကောင်း တစ်ခု ဖြစ်တယ်ဆိုတာကို ဆရာ့အနေနဲ့ ထပ်ဆင့်ရှင်းပြပေးပါဉီးခင်ဗျာ။

ဖြေ။ ။ အိမ်ခြံမြေဝယ်ယူခြင်းဟာ ရင်းနှီးမြှုပ်နှံမှုတစ်ခုဖြစ်သလားလို့မေးရင် ကျွန်တော့် အနေနဲ့ ဖြေရမယ်ဆိုရင် ရာနှုန်းပြည့် ဖြစ်တယ်လို့ဖြေပါရစေ.. ဘာကြောင့်လဲဆိုတော့ အိမ်ခြံမြေဝယ်တယ်ဆိုတာ ရောင်းတဲ့သူရှိလို့လေ ရောင်းတယ်ဆိုတာ ဝယ်တဲ့သူရှိလို့လေ အရောင်းအဝယ်တစ်ခု ဖြစ်တယ်ဆိုရင် အရောင်းအဝယ်ဖြစ်တဲ့အချိန်မှာ ဝယ်ယူသူက အမှန်တရားတစ်ခုကိုပြုလုပ်ရာရောက်ပြီးတော့ ရောင်းတဲ့သူက အမှားတစ်ခုကို ကျူးလွန်ရာရောက်တယ်လို့ ကျွန်တော်တို့ရဲ့ အတွေ့အကြုံအရပြောပါရစေ..

“ဒီတော့ ဒီကျူးလွန်လိုက်တဲ့အမှား ရောင်းလိုက်တဲ့ အမှားကို ဘယ်လိုပြင်ဆင်ရမလဲဆိုတာ ရွေးစရာရှိပါတယ် အမှားဆိုတာ အမှန်နဲ့ ပြင်ဆင်လို့ရပါတယ်။ အမှန်ကလည်း ရှင်းရှင်းလေးဘဲလေ ရောင်းတာက အမှားဆိုရင် ဝယ်တာက အမှန် ဒါကြောင့် အိမ်ခြံမြေလို မရွေ့မပြောင်းနိုင်တဲ့ပစ္စည်းကို ရောင်းတဲ့သူတိုင်းဟာ အမှားမဖြစ်အောင်တစ်ခုခု အစားထိုးပြီး ဝယ်ရပါတယ် ဒါကြောင့် ကြီးကြီး ကောင်းကောင်း တစ်ခုခုကို ဝယ်မယ်ဆိုရင် သေးသေး ညံ့ညံ့ နှစ်ခုကို ရောင်းတာက အမှားတော့မရှိပါဘူး”

တစ်ခုဝယ်ချင်လို့ တစ်ခုရောင်းတာက အမှားနဲ့ အမှန်ကို ပြန်ချေတာဖြစ်တဲ့အတွက် ရောင်းခြင်းနဲ့ ဝယ်ခြင်းကိုတွဲ ပြီးလုပ်ရပါမယ် ပစ္စည်း တစ်ခု ရောင်းတော့မယ်ဆိုရင် ငါဘာပြန်ဝယ်မလဲဆိုတာကို စိတ်ထဲမှာ အမြဲတမ်းထားပြီးတော့ အမြဲတမ်းကြည့်နေရမယ်လို့ ကျွန်တော်အကြံပေးချင်ပါတယ်ခင်ဗျာ..

မေး။ ။ဟုတ်ကဲ့ပါဆရာ နောက်တစ်ခုက အိမ်ခြံမြေဝယ်သူအနေနဲ့ ဒီလိုအချိန်မျိုးမှာ အိမ်ခြံမြေ ဝယ်ယူသင့်ပါသလားခင်ဗျာ.. ဒါမှမဟုတ် ဘယ်လိုအခြေအနေမျိုးမှာ ရင်းနှီးမြှုပ်နှံဖို့ အခြေအနေရှိပါသလဲဆရာ

ဖြေ။ ။ ဝယ်ယူတာနဲ့ ပတ်သတ်ပြီးတော့ အချိန်ကို မေးလာတော့ ကျွန်တော်က ဖြေပေးရမှာပေါ့.. ဘယ်အချိန်ဘဲ ဝယ်ဝယ် ဝယ်တာဟာ မှန်တယ် အချိန်ကို မပြောပါဘူး ဝယ်တဲ့ပစ္စည်းဟာ မြေဆိုရင်တော့ နေရာကောင်း၊ သင့်တော်တဲ့ နေရာ အဆင်ပြေတဲ့နေရာဖြစ်ရမယ်.. တိုက်ခန်းဆိုရင်တော့ နေရာကောင်းဖြစ်ရမယ့်အပြင် အမျိုးအစားကောင်းရမယ်ဆိုတာတော့ သတိထားရမယ်.. ဒီကိစ္စတွေဟာလည်း ပူစရာမလိုပါဘူး Union House Myanmar ကနေ အားလုံးကို ကူညီဆောင်ရွက်ပေးသွားမယ်ဆိုတာ ကျွန်တော်ယုံကြည်ပြီးသားပါခင်ဗျာ..

မေး။ ။ ဟုတ်ကဲ့ပါ နောက်တစ်ခုအနေနဲ့ကတော့ဆရာ့စီကနေ အကြံဉာဏ်တောင်းတာပါ ကျွန်တော်တို့ အိမ်ခြံမြေလောကသားတွေအနေနဲ့ အိမ်ခြံမြေ အကျိုးဆောင်လုပ်ငန်းကို ထဲထဲဝင်ဝင် ဆောင်ရွက်နေသောပုဂ္ဂိုလ်၊ ကုမ္ပဏီ များအတွက်သော်လည်းကောင်း ၊ တစ်ဉီးခြင်းအလိုက် လူပုဂ္ဂိုလ် များအတွက်သော်လည်းကောင်း အကြံဉာဏ်လေးပေးခဲ့ပါဉီးဆရာ..

ဖြေ။ ။ ဟုတ်ကဲ့ပါခင်ဗျာ.. အိမ်ခြံမြေဝန်ဆောင်မှုကို တစ်ယောက်ထဲဘဲ လုပ်နေနေ ကုမ္ပဏီ နဲ့ဘဲ လုပ်နေနေ အားလုံးအတွက် အကြံဉာဏ်ပေးပါဆိုရင်တော့ ကျွန်တော်ခုက ပြောပြပေးသွားသလို နှစ်ပေါင်း (၃၀) ကျော် အတွေ့အကြုံရှိသွားပါပြီ.. လွန်ခဲ့သော နှစ်ပေါင်း (၃၀) ကျော်က ကျွန်တော်က ထီးဖြူဖိနပ်ပါး ပွဲစားလို့အပြောခံရတဲ့ဘဝကို modified လုပ်ပြီးတော့ မကောင်းကောင်းအောင် မတိုးတက်တိုးတက်အောင် ကြံဖန်လုပ်ပါတယ် ကျွန်တော်ဘယ်အထိလုပ်လဲ ကျွန်တော့်ကို လူအထင်သေးမှာစိုးလို့ ကိုယ့်လုပ်ငန်းကို လူအထင်ကြီးအောင်လို့ အမျိုးမျိုးဗျာ နောက်ဆုံး အဲ့ဒီခေတ် လွန်ခဲ့သော နှစ်ပေါင်း (၃၀) က TV မှာ တစ်ချို့မှတ်မိပါမယ် ရေခဲရေသောက်ချင်ဒီကိုလာ အိမ်လိုချင် ကြည်စိုး IC စီသွားဆိုပြီးတော့ အဲ့ဒီလို ကြော်ငြာတဲ့အထိတောင်လုပ်ခဲ့ပါတယ် ဘယ်လိုလုပ်လုပ် ကျတော့်ကို ဥပဒေက အကာကွယ်ပေးခြင်းမရှိသည့်အခါမှာ လုပ်ခဲ့ရတဲ့အတွက် ကျွန်တော့်ကို ပွဲစားလို့ဘဲ အခေါ်ခံရပါတယ်.. မည်သည့်ရုံး မည်သည့်ဌာန ကမှ ကျွန်တော့်ကို ပံ့ပိုးခြင်းမရှိပါဘူးခင်ဗျာ.. အခုတော့ ခေတ်ပြောင်းသွားပါပြီ အခုဆိုရင် အိမ်ခြံမြေဝန်ဆောင်မှုဥပဒေ ထွက်လာပါပြီ မူကြမ်းအတည်ဖြစ်သွားပါပြီ အများနားလည်အောင် အလွယ်စကားနဲ့ပြောရင် နိုင်ငံတော်သမ္မတ လက်မှတ်ထိုးဖို့အဆင့်ဘဲ ကျန်ပါတော့တယ်.. အဲ့ဒီဥပဒေကြီး ထွက်လာပြီးလို့ရှိရင်

အိမ်ခြံမြေနဲ့ ပတ်သတ်တဲ့ လုပ်ငန်း လုပ်ဆောင်သူတွေဟာ သေးသေးလုပ်လုပ် ကြီးကြီးလုပ်လုပ် အဲ့ဒီလူတွေအားလုံးက သိက္ခာရှိတယ်ဆိုတာ မူကြမ်း ပုဒ်မ ၁၂(က) မှာ အားလုံးသော အိမ်ခြံမြေဝန်ဆောင်တဲ့သူတွေကို စီးပွားရေးလုပ်ငန်းရှင်များအဖြစ် အသိအမှတ်ပြုလိုက်ပါပြီခင်ဗျာ ဒါကြောင့် ကျွန်တော်တို့ဟာ ပွဲစားလို့ နှိမ့်ချခေါ်ဆိုခြင်းလည်း မရှိတော့ပါဘူး

အဲ့ဒီဥပဒေရဲ့ ထူးခြားချက်ကလေးကို အတိုချုပ်ပြောပါဆိုရင် မြန်မာပြည်မှာ ရှိတဲ့ သန်း ၅၀ လုံးသောလူတွေဟာ အိမ်ခြံမြေဝန်ဆောင်မှု ပေးခွင့်ရှိပါတယ် သူ့နေရာနဲ့သူ ခေါင်းဆောင်ဖြစ်ချင်ဖြစ် အကျိုးဆောင်ဖြစ်ချင်ဖြစ် တစ်နည်းနည်း တစ်နေရာ ထောင့်တစ်ထောင့်ကနေပြီးတော့ လုပ်ကိုင်နိုင်တယ်ဆိုပြီးတော့ ဥပဒေပေါ်ထွက်လာပါပြီ.. တစ်ခုပါဘဲ နောက်တစ်ခုက အဲ့ဒီဝန်ဆောင်မှု ဥပဒေကြီးအရ အားလုံးသော အိမ်ခြံမြေဝန်ဆောင်မှုကို ပေးတဲ့ သူတွေဟာ စည်းနဲ့ ကဏား နဲ့ ဥပဒေဘောင်ထဲက လုပ်ရမယ်ဆိုတာလေး တစ်ခုဘဲ ရှိပါတယ်.. အင်မတန်ကောင်းတဲ့ ဥပဒေ ဖြစ်တဲ့အတွက် ကျွန်တော်တို့ အိမ်ခြံမြေဝန်ဆောင်မှုပေးတဲ့ူတွေအတွက် အင်မတန် ဝမ်းမြောက်ဖွယ်ကောင်းပါတယ် ဒါဟာလည်း “Union House Myanmar လို အကုန်လုံးသိပြီးသား” ပုဂ္ဂိုလ်တွေကဘဲ ကူညီပြီးတော့ လမ်းပြသွားမှာဘဲ ဖြစ်ပါတယ်ခင်ဗျာ။

မေးမြန်းသူ၏ကျေးဇူးတင်စကား…