အဆိုးထဲက အကောင်း(သို့မဟုတ်) ကပ်ဘေးထဲက လေသန့်ရှင်းမှု

အဆိုးထဲက အကောင်း (သို့မဟုတ်) ကပ်ဘေးထဲက လေသန့်ရှင်းမှု

               ကိုဗစ်ကပ်ဘေးကြီးကြောင့် ဆိုးကျိူးဘေးဒဏ်မြောက် မြားစွာပေါ်ထွက်လာခဲ့သည် ။ အထူးသဖြင့်ကပ်ဘေး၏တိုက်ရိုက်ဘေးဒဏ်ဖြစ်သော သေဆုံးမှုထက် သွယ်ဝိုက်ဘေးဒဏ်ဖြစ်သော အငတ်ဘေးကပိုဆိုးလာခဲ့သည်။

              အံ့ဩစရာတော့ကောင်း၏။ကပ်ဘေးကြောင့်ဒုက္ခရောက်သူများသော်လည်း ပိုမိုအဆင်ပြေခြင်းများလည်း အချို့ ကမ္ဘာများ၌ ရှိလာ၏။ ဥပမာ-Online Shopping လုပ်ငန်းနှင့်အင်တာနက် ဝန်ဆောင်မှုများသည် ကိုဗစ်မတိုင်မီကထက် အဆများစွာ ပိုမိုမြတ်စွန်းလာသည် ။

             အခြားတစ်ခုမှာ လူနေမှုပုံစံ အသွင်ပြောင်း သွား၍ လေထုညစ်ညမ်းမှု လျော့နည်းကျဆင်းသွားခြင်းဖြစ်သည် ဒါကတော့ ကမ္ဘာလုံးဆိုင်ရာ ကောင်းကျိူးဟုဆိုရမည်။ကပ်ဘေးကို ထိန်းချုပ်နိုင်ရန်အတွက် Lock down ချထားရသောကြောင့် ကား၊လေယဉ်တို့ဖြင့် ခရီးသွားလာမှု အလွန်နည်းပါးသွားသည်။ထိုအခါ ကား လေယဉ်တို့ကထုတ်လွှတ်သော ကာဗွန်ဒိုင်အောက်ဆိုဒ်လည်း နည်းပါးသွားသည်။

            ၂၀၁၉-ခုနှစ်က ကမ္ဘာတစ်ဝှမ်း၌ ကာဗွန်ဒိုင်အောက်ဆိုဒ် ၃၆ ဒသမ ၄ဘီလီယံ မက်ထရစ်တန် ထုတ်လွှတ်ခဲ့သည် ။ကိုဗစ် ဖြစ်ပွားသော ၂၀၂၀-ပြည့်နှစ်တွင်မူ ကာဗွန်ဒိုင်အောက်ဆိုဒ် ၃၄ ဘီလီယံ မက်ထရစ်တန်သာ ထုတ်လွှတ်သည်ဟု တွက်ချက်ထား၏။ ကာဗွန်ထုတ်လွှတ်မှုကို ခြေရာခံသည့် နိုင်ငံတကာ သိပ္ပံပညာရှင်များဖြင့်ဖွဲ့စည်းထားသော ကမ္ဘာလုံးဆိုင်ရာ ကာဗွန်ပရောဂျက် ၏ တွက်ချက်မှုဖြစ်သည်။ထို့ကြောင့် ကပ်ဘေးကြောင့် လေထုညစ်ညမ်းမှု ၇-ရာခိုင်နှုန်း ကျဆင်းသွားသည်ဟု ဆို၏။