ဒလတံတား နှင့်ရန်ကုန်မြို့ပြဖွံ့ဖြိုးရေး

ဒလတံတား နှင့်ရန်ကုန်မြို့ပြဖွံ့ဖြိုးရေး

               ၂၀၁၉ မေလ ၂၉-ရက်နေ့တွင်စတင် တည်ထောင်ခဲ့သော မြန်မာ ကိုရီးယား ချစ်ကြည်ရေး(ဒလ)တံတားကို ၂၀၂၂-ခုနှစ် အောက်တိုဘာတွင်အပြီးသတ်တည်ဆောင်သွားမည်ဟုဆိုသည်။

              ရန်ကုန်မြို့တော်၏အနောက်ဖက်တွင် ဘုရင်နောင်မြစ်ကူးတံတား တည်ဆောက်အသုံးပြုပြီးနောက် လှိုင်သာယာမြို့နယ်၏ ဖွံ့ဖြိုးစည်ကားမှုမှာ အံ့မခန်းဖြစ်ခဲ့သည်။ ယခုလည်း ဒလ တံတားပြီးသွားလျှင် ဒလမြို့သာမက အနီးအနားကျောထောက်နောက်ခံနယ်များ(တွံတေး, ကော့မှူး, ကွမ်းခြံကုန်း)ပါ အကြီးအကျယ် ဖွံ့ဖြိုးစည်ကားသွားမည်ဟု ပညာရှင်တို့ ခန့်မှန်းကြသည်။

              ဒလတံတား၏ စီမံကိန်းတန်ဖိုးမှာ အမေရိကန်ဒေါ်လာ ၁၈၈ ဒကမ ၁၇သန်းဖြစ်သည်။ ကိုးရီးယားသမတနိူင်ငံဖက်မှ ချေးငွေ အမေရိကန်ဒေါ်လာ ၁၅၇ ဒသမ ၈၃သန်းနှင့် မြန်မာနိူင်ငံဖက် မှ ထည့်ဝင်ငွေ အမေရိကန်ဒေါ်လာ ၃၀ဒသမ ၃၄သန်းဖြစ်၏။

            ဒလတံတားမှာ စုစုပေါင်းအရှည် ၁၈၆၈-မီတာရှိပြီး ၄-လမ်းသွား(Cable-stayed Bridge)အမျိူးအစားဖြစ်သည်။ တံတားသည်ရန်ကုန်မြို့/လမ်းမတော်မြို့နယ် ဘုန်းကြီးလမ်းနှင့်ဒလမြို့နယ် ကမာကဆစ်ရပ်ကွက် ဗိုလ်မင်းရောင်လမ်းမကြီးသို့  ဆက်သွယ်ထားသောတံတားဖြစ်လာမည်။

           တံတား စတင်တည်ဆောက်ချိန်မှာ ကိုဗစ်ကာလဖြစ်နေသော်လည်း တည်ဆောက်ရေးလုပ်ငန်းကို ၁-လသာ ရပ်နားခဲ့ပြီး ၂၀၂၀ ဒီဇင်ဘာလထိပုံမှန်ဆောင်ရွက်နေကြောင်း၊သတ်မှတ်ကာ လအတွင်းအချိန်မီ ပြီးစီးနိူင်ရန် နေ့ရောညပါ ဆောင်ရွက်နေကြောင်း၊ယခုအခါ လုပ်ငန်းတစ်ခုလုံး၏ ၂၀-ရာခိုင်နှုန်း ပြီးစီးပြီဖြစ်ကြောင်း ဆောက်လုပ်ရေးဝန်ကြီးငှာန၊ ပြည်ထောင်စုဝန်ကြီး ဦးဟန်ဇော်ကဆို၏ ။8th Global Infrastructure Cooperation Conference (GICC 2020) အခမ်းအနားတွင် ဝန်ကြီးကပြောခဲ့ခြင်းဖြစ်သည်။