လယ်ယာမြေ လုပ်ပိုင်ခွင့်ပြုလက်မှတ် ပုံစံ (၇) လျှောက်ထားခြင်း ဝန်ဆောင်မှုရယူရန် အခြေခံလိုအပ်ချက်မျာ

by sithumin
October 5, 2020
General Real Estate Knowledge
0

လယ်ယာမြေ လုပ်ပိုင်ခွင့်ပြုလက်မှတ် ပုံစံ (၇) လျှောက်ထားခြင်း ဝန်ဆောင်မှုရယူရန် အခြေခံလိုအပ်ချက်မျာ

လယ်ယာမြေ ဥပဒေ ပုဒ်မ (၆) အရ …

(က) **လူပုဂ္ဂိုလ်ဖြစ်ပါက –

(၁) လယ်ယာမြေကို အသုံးပြုခွင့်ရရှိထားသော ထိုအိမ်ထောင်စု သည် တောင်သူ လယ်သမားအိမ်ထောင်သားစု သို့မဟုတ် အိမ်ထောင်သားစုဝင် ဖြစ်ရမည်။

(၂) လယ်ယာမြေကို အသုံးပြုခွင့်ရရှိထားသော ထိုအိမ်ထောင်သားစု အကြီးအကဲ သို့မဟုတ် ထိုအိမ်ထောင်သားစုတွင်ပါဝင်သူတစ်ဦး သို့မဟုတ် အုပ်ထိန်းသူသည် ဤဥပဒေ ပြဋ္ဌာန်းအတည်မပြုမီ တည်ဆဲမြေယာဥပဒေများနှင့်အညီ တရားဝင် လက်ရှိလက်ငုတ်လုပ်ကိုင်နေသူ ဖြစ်ရမည်။

(၃) ဤဥပဒေ ပြဋ္ဌာန်းပြီးနောက် ဤဥပဒေနှင့်ဖြစ်စေ၊ ဤဥပဒေအရပြုသည့် နည်းဥပဒေ ပြဋ္ဌာန်းချက်များနှင့်အညီဖြစ်စေ တရားဝင်အကျိုးခံစားခွင့်ရရှိသူ ဖြစ်ရမည်။

(၄) အသက် ၁၈ နှစ်ပြည့်ပြီးသူ ဖြစ်ရမည်။

(၅) နိုင်ငံသား၊ ဧည့်နိုင်ငံသား သို့မဟုတ် နိုင်ငံသားပြုခွင့်ရသူ ဖြစ်ရမည်။

( ခ ) **အဖွဲ့အစည်းဖြစ်ပါက လယ်ယာမြေကို အသုံးပြုခွင့်ရရှိထားသော အစိုးရဌာန၊ အစိုးရအဖွဲ့အစည်း၊ အစိုးရမဟုတ်သောအဖွဲ့အစည်း၊ ကုမ္ပဏီ သို့မဟုတ် အသင်းအဖွဲ့ ဖြစ်ရမည်။

ဝန်ဆောင်ခ

လယ်ယာမြေ မှတ်ပုံတင်ကြေး ငွေ (၅၀၀) ကျပ်သာ မြို့နယ် လယ်ယာမြေ စီမံခန့်ခွဲရေးနှင့် စာရင်းအင်း ဦးစီးဌာနထံ ပေးသွင်းရန် လိုအပ်ပါတယ်

လိုအပ်သော စာရွက်စာတမ်းများ

(က) မှတ်ပုံတင် မူရင်းနှင့် မိတ္တူ

(ခ) အိမ်ထောင်စု ဇယားမူရင်းနှင့် မိတ္တူ

(ဂ) အဆိုပါ လယ်ယာမြေကို အသုံးပြုခွင့် ရရှိထားသော အထောက်အထား စာရွက်စာတမ်းများ လိုအပ်ပါတယ်

အိမ်ခြံမြေ ဗဟုသုတများအပြင် လတ်တလော အိမ်ခြံမြေ အရောင်းများကို Page မှာ တင်ပေးနေတာဖြစ်လို့ Union House Myanmar Page လေးကို Like & See First လေး လုပ်ထားပေးကြပါအုံးဗျ