သဘာဝဘေးအန္တရာယ်ဒဏ်ခံနိုင်သော Public Shelter ဘက်စုံသုံး အဆောက်အအုံ ဒလမြို့နယ်၌ တည်ဆောက်မည်

သဘာဝဘေးအန္တရာယ်ဒဏ်ခံနိုင်သော Public Shelter ဘက်စုံသုံး အဆောက်အအုံ ဒလမြို့နယ်၌ တည်ဆောက်မည်

               ရန်ကုန်တိုင်းဒေသကြီး ဒလမြို့နယ် အံ့ကြီး အနောက်ရပ်ကွက် ဗိုလ်ချုပ်လမ်းမကြီးဘေးရှိ အစိုးရပိုင်မြေပေါ်တွင် သဘာဝ ဘေးအန္တရာယ်ဒဏ်ခံနိုင်သော Public Shelter ဘက်စုံသုံး အဆောက်အအုံကို ၂၀၂၁ ခုနှစ်အတွင်း အပြီးတည်ဆောက်သွားမည်ဖြစ်ကြောင်း သိရသည်။အာရှဖွံ့ဖြိုးရေးဘဏ် (ADB ) ၏ပံ့ပိုးထောက်ပံ့မှုဖြင့် Asian Disaster Preparedness Center ( ADPC)မှ စီမံခန့်ခွဲမှုဖြင့် တည်ဆောက်မည့် အစီအစဉ်ဖြစ်သည်။

              ဒလ မြို့နယ်အတွက် သဘာဝဘေးဒဏ်ခံနိုင်သော အဆောက်အအုံကို ADB ရဲ့ ပံ့ပိုးမှု အမေရိကန်ဒေါ်လာ ၁၉၀၀၀၀ အကုန်ကျခံ၍ ADPC က စီမံခန့်ခွဲပြီး အကောင်အထည်ဖော်ဆောင်ရွက်ပေးသွားမည် ဖြစ်သည်။ထိုကုန်ကျစရိတ်တွင် မြေအတွက် ကာလတန်ဖိုးမပါပေ။ အဆောက်အအုံအတွက်သာ ဖြစ်သည်။  ဤစီမံကိန်း အကောင် အထည်ဖော်ရန် ရန်ကုန်တိုင်းဒေသကြီးအစိုးရအဖွဲ့၊ ရန်ကုန်မြို့တော်စည်ပင်သာယာရေးကော်မတီ၊ ADB. နှင့် ADPC တို့ ပူးပေါင်းပြီး စည်ပင်သာယာနယ်နိမိတ် (၃၃)မြို့နယ်မှရွေးချယ်ခဲ့ခြင်းဖြစ်သည်။

              ဒလမြို့နယ်သည် မီးဘေး၊ လေဘေး၊ ရေဘေး အစရှိသော သဘာဝဘေးအန္တရာယ် ဖြစ်ပွားနိုင်ခြေရှိခြင်း ၊ပင်လယ်၏ထွက်ပေါက်၊ ရန်ကုန်မြစ် နှင့် နီးကပ်ပြီး ချောင်းများရှိခြင်းတို့ကြောင့် ဒလမြို့နယ်ကို သက်ဆိုင်ရာ တာဝန်ရှိသူများက အမှတ်ပေးပြီး ပထမအဖြစ် ရွေးချယ်ခဲ့သည်။ဒုတိယအဖြစ် မြောက်ဥက္ကလာပမြို့နယ်ကို ရွေးချယ်ထားသည်။

              ဒလမြို့နယ်တွင် အခြေခံ လူတန်းစားနှင့် ကျူးကျော်နေထိုင်သူ များပြီး သဘာဝဘေးကြံ့ကြံ့ခံ နိုင်သော အခြေခံအဆောက်အအုံမရှိသလောက်နည်းနေသည်။ မြို့နယ်တွင် သဘာဝဘေးဒဏ်ခံနိုင်တဲ့ အဆောက်အအုံရှိလာပါက ပြည်သူများအတွက် ဘေးကင်းလုံခြုံရေး၊ ပြန်လည်ထူထောင်ရေးလုပ်ငန်းများ ဆောင်ရွက်နိုင်မှာဖြစ်ကြောင်း
မြို့နယ်စည်ပင်သာယာရေးကော်မတီဥက္ကဋ္ဌ ဒေါ်မြင့်မြင့်ကြည်က
ဆိုကြောင်း သိရ၏။

            အဆိုပါ သဘာဝဘေးအန္တရာယ်ဒဏ်ခံနိုင်သည့် Public Shelter တည်ဆောက် ရာတွင် သောက်သုံးရေရှားပါးမှု အခက်အခဲမရှိစေရေးအတွက် ရေလှောင်ကန် စနစ်ပါဝင်သည်။
လျှပ်စစ်မီးပျက်ပါက Solar စနစ်ဖြင့် မီးရရှိရေးစနစ် ပါဝင်သည်။
၊ ဒေသခံပြည်သူများအတွက် ဝန်ဆောင်မှုလုပ်ငန်းများ ဆောင်ရွက်ပေးနိုင်သော ဘက်စုံသုံးနိုင်သည့် အဆောက် အအုံဖြစ်စေရေးအတွက် ထည့်သွင်းတည်ဆောက်သွားမည်ဟု သိရသည်။

အမ်းမ်လောင်ရွှီ မှတ်စု ရေးသည်

Union House Myanmar Construction News
Union House Myanmar Property Website
unionhousemyanmar.com
ONE CLICK ဖြင့်လူတိုင်းအိမ်ပိုင်ဆိုင်ခွင့်ရစေရမည်
Union House Myanmar Always For All
အားလုံးအတွက်ထာဝရ Union House