နွေရာသီ၌ မြစ် တစ်ဖက်ကမ်းသို့ လမ်းလျှောက်၍ပင် ရသည်ဆိုသော နေရာတွင် ဧရာဝတီတံတား(သရက်-အောင်လံ) တည်ဆောက်နေ

နွေရာသီ၌ မြစ် တစ်ဖက်ကမ်းသို့ လမ်းလျှောကိ၍ပင် ရသည်ဆိုသောနေရာတွင် ဧရာဝတီတံတား(သရက်-အောင်လံ) တည်ဆောက်နေ

              ဆောက်လုပ်ရေးဝန်ကြီးဌာန တံတား ဦးစီးဌာန တည်ဆောက်ရေးအဖွဲ့(၃) သည်
ဧရာဝတီတံတား (သရက်-အောင်လံ)ကို တာဝန်ယူ တည်ဆောက်လျက်ရှိသည်။
ထိုတံတားမှာ မကွေးတိုင်းဒေသကြီး သရက်မြို့နှင့် အောင်လံမြို့ကိုဆက်သွယ်ပေးမည်။

             ဧရာဝတီမြစ်ရေသည် နွေရာသီတွင် အောင်လံမြို့နယ်၌ လျော့နည်းမှုစံချိန် တင်သဖြင့် အချို့နေရာများ၌ မြစ် တစ်ဖက်ကမ်းသို့ လမ်းလျှောက်၍ပင် ရသည်ဆို၏။မကွေးတိုင်းဒေသကြီး၌ ဧရာဝတီတံတား(ပခုက္ကူ)၊ ဧရာဝတီ တံတား(မကွေး)၊ ဧရာဝတီတံတား(မလွန်)နှင့် အနော်ရထာတံတားဟူ၍ တံတားလေးစင်း တည်ဆောက်ထားပြီး ဖြစ်သည်။ဧရာဝတီ တံတား (သရက်-အောင်လံ)သည် မကွေးတိုင်းဒေသကြီး အတွင်း ငါးစင်းမြောက် ဧရာဝတီမြစ်ကူးတံတားဖြစ်လာမည်။

            တံတား၏ ပင်မတံတားမှာ သံပေါင်ခုံးတံတား အမျိုးအစားဖြစ်သည်။ချဉ်းကပ်တံတားများအား သံကူကွန်ကရစ်ဖြင့်တည်ဆောက်မည် ။ရေလယ်တိုင်အုတ်မြစ်များအား သံကူ ကွန်ကရစ် ဘိုးပိုင်ဖြင့် တည်ဆောက်မည်။ တံတားခန်းဖွင့်အတွက် အရှည် ၁၄၄ မီတာစီပါဝင် သော ခန်းဖွင့် ၁၂ ခန်းဖြင့် တည်ဆောက်မည်။သရက်မြို့ဘက်ကမ်းရှိ အရှည် မီတာ ၃၀၀ ရှိ သော ချဉ်းကပ်တံတားအား မီတာ ၃၀ စီပါဝင်သောခန်းဖွင့် ၁၀ ခန်း
ဖြင့် တည်ဆောက်မည်။အောင်လံမြို့ဘက် ကမ်းရှိ မီတာ ၂၄၀ အရှည်ရှိသော ချဉ်းကပ်တံတားအား မီတာ ၃၀ စီပါဝင်သော ခန်းဖွင့်ရှစ်ခန်းဖြင့်တည်ဆောက်သွားမည်။

           တံတားအရှည်စုစုပေါင်း ၂၂၇၂ ဒသမ ၅ မီတာရှိမည်။ပင်မတံတားမှာ အရှည် ၁၇၃၂ ဒသမ ၅ မီတာရှိမည်။တံတားအကျယ် ၁၀ ဒသမ ၅ မီတာ၊ ယာဉ်သွားလမ်းအကျယ် ၈ ဒသမ ၅ မီတာနှင့် လူသွားလမ်းအကျယ် တစ်ဖက်လျှင် တစ်မီတာစီ ပါဝင်မည်။ရေလမ်းကင်းလွတ်အမြင့် ၁၆ မီတာနှင့် အကျယ်မီတာ ၁၃၀ ရှိမည်။တံတားခံနိုင်ဝန်မှာ ၇၅ တန် ဖြစ်မည်။တံတားသစ်အတွက် ချဉ်းကပ်လမ်းအပါအဝင် ခန့်မှန်း တန်ဖိုးငွေကျပ်သန်းပေါင်း ၉၈၀၀၀ အကုန်အကျခံရန်လျာထားသည်။

           စီမံကိန်းကို တည်ဆောက်ရေးအဖွဲ့(၃)မှ ကျွမ်းကျင်အင်ဂျင်နီယာ ၃၀ နှင့် ကာယ၊ ဉာဏ လုပ်သား ၂၀၀ ကျော် တို့ဖြင့် လုပ်ငန်းများဆောင်ရွက်လျက်ရှိသည်။

အမ်းမ်လောင်ရွှီ မှတ်စုရေးသည်။

Union House Myanmar Construction News
Union House Myanmar Property Website

အိမ်ခြံမြေ ရောင်း၊ဝယ်၊ငှား (အခမဲ့) Data တင်ရန်နှင့် Registerလုပ်ရန်နှိပ်ပါ >>unionhousemyanmar.com

ONE CLICK ဖြင့်လူတိုင်းအိမ်ပိုင်ဆိုင်ခွင့်ရစေရမည်
Union House Myanmar Always For All
အားလုံးအတွက်ထာဝရ Union House