မြေပေါ်မနေ၊ရေပေါ် နေသူများ

မြေပေါ်မနေ၊ရေပေါ် နေသူများ

                   ကမ္ဘာကြီး ပူနွေးလာမှုကြောင့် ပင်လယ်ရေမျက်နှာပြင် မြင့်တက်လာသဖြင့် ရေအောက် ကျရောက်တော့မည့် ကမ္ဘာ့မြို့တော်များက ပို၍ပို၍ များလာသည်။ နယ်သာလန်နိူင်ငံတွင် ပင်လယ်ရေ မြင့်တက်မှု အန္တရာယ်ကို ရင်ဆိုင်နေရသူတို့မှာ နိူင်ငံလူဦးရေ၏ ၃-ပုံ ၂-ပုံထိ ရှိနေသည်။

                  ထိုအခြေအနေတွင် လူအများစုက မြေပေါ်မှာနေရခြင်းထက် ရေပေါ်မှာနေရခြင်းကို ပိုမိုလုံခြုံသည်ဟု ခံစားလာကြရသည်ဟုဆိုသည်။

                   နယ်သာလန်နိူင်ငံ အမ်စတာဒမ်မြို့တွင် Lake Eimer အမည်ရှိ ရေကန်ကြီးထဲ၌ Waterbuurt အမည်ရှိရေပေါ်ရပ်ကွက်ကြီးတည်ဆောက်ထားသည်။ထိုရပ်ကွက်တွင် ရေပေါ်အိမ်ခြေပေါင်း ၁၀၀နီးပါးရှိသည်။

                  ထူးခြားချက်မှာ သာမန်လှေပေါ်တွင် ဆောက်လုပ်ထားသော အိမ်များမဟူတ်။အိမ်များသည် ဆိပ်ခံတံတားများ၏ ဘေးတွင်တည်ရှိပြီး သံမဏိတိုင်လုံးများနှင့် တွဲဆက်ထားသည်။ထို့ကြောင့် ရေလှိုင်းများ ရိုက်ခတ်မှုကြောင့် နေရာရွေ့လျားသွားမှာမဟုတ်ပေ။ အပေါ်အောက် လှုပ်ခတ်မှုသာ ကြုံရမည်။

                  ထိုရေပေါ်အိမ်များကို ဒတ်ချ်ဗိသုကာပညာရှင် Marlies Rohmerက ဒီဇိုင်းရေးဆွဲပေးသည်။သဘော်ကျင်း တစ်ခုတွင် ရေပေါ်အိမ်များကို တည်ဆောက်ခဲ့သည်။သဘော်ကျင်းမှ ရေကန်သို့ တူးမြောင်းကွန်ယက် မှတဆင့်သယ်ဆောင်လာသည်။

                 Waterbuurtသည် နယ်သာလန် နိူင်ငံ၏သမိုင်းတွင် အကြီးဆုံးရေပေါ်နေ ဧရိယာဟုဆိုသည်။