ဆေးပညာ အခြေခံခရီးသွားလုပ်ငန်းတွင် ပြောင်ကြီးတွေထံမှ ငွေသဲ့ယူနေသော နည်းပညာ

ဆေးပညာ အခြေခံခရီးသွားလုပ်ငန်းတွင် ပြောင်ကြီးတွေထံမှ ငွေသဲ့ယူနေသော နည်းပညာ

            သဘာဝအခြေခံခရီးသွားလုပ်ငန်း၊ ရှေးဟောင်းယဉ်ကျေးမှုအခြေခံ ခရီးသွားလုပ်ငန်းစသဖြင့် မျိုးစုံရှိနေရာ ဆေးပညာ အခြေခံခရီးသွားလုပ်ငန်း (Medical Tourism) သည်လည်း သိသာထင်ရှားလာသော ခရီးသွားလုပ်ငန်းအမျိုးအစားတစ်ခုဖြစ်သည်။ ဥပမာ တောင်ကိုရီးယားနိုင်ငံတွင်မျက်နှာပလပ်စတစ်ခွဲစိတ်ပြုပြင်ပေးမှုကြောင့် ကမ္ဘာအရပ်ရပ်မှ (အထူးသဖြင့် တရုတ်နိုင်ငံမှ) ခွဲစိတ်ပြုပြင်သူများပြားလာမှုကြောင့်ငွေရလမ်းဖြောင့်လျက်ရှိသည်။ စင်ကာပူ၊ အင်္ဂလန်တို့လည်း ဝင်ငွေမနည်းလှပေ။

           တူရကီနိုင်ငံကမူ ဆေးပညာတိုးတက်မှုတွင် ထင်ရှားသောနိုငငံတစ်ခုမဟုတ်ပေ။သို့သော် တစ်နှစ်လျှင် အမေရိကန် ဒေါ်လာ သန်း ၁၀ဝဝ(၁ ဘီလီယံ)ထိဝင်ငွေရှိသော ဆေးပညာအခြေခံ ခရီးသွားလုပ်ငန်းတစ်ခု ရှိနေသည်။ထိုလုပ်ငန်းမှာ ခေါင်းပြောင်သူများကို ဆံပင်ပြန်ပေါက်အောင် ကုသပေးသောလုပ်ငန်းဖြစ်သည်။ ဆံပင်ပြန်ပေါက်အောင် ကုသပေးသော နိုင်ငံများအနက် တူရကီနိုင်ငံသည် ကုသမှုခံယူသူအများဆုံးနိုင်ငံဖြစ်သည်။ယခင်က ခေါင်းပြောင်သူများအား Follicular Unit Transplantဆိုသောကုထုံးဖြင့် ကုသခဲ့ကြပြီး ထိုနည်းတွင်အရေပြားခွဲစိတ်မှုလုပ်ရသည်။ 

          ယခုအခါ Follicular Unit Extraction Method ဆိုသော ကုထုံးအသစ်ဖြင့် ကုသပြီးအရေပြား ခွဲစိတ်ရန် မလိုတော့ပေ။ တူရကီနိုင်ငံတွင် ကုသမှုစရိတ်မှ USD 2164 သာရှိပြီး အမေရိကန်တွင် ကုသမှုစရိတ် မှာ USD 7000 မှ 12000 နီးပါးထိရှိသည်။

        နှစ်စဉ် လူပေါင်း သန်းချီကာ ဆံပင်အစားထိုးကုသမှုပြုလုပ်ခဲ့သည်ဟု
နိုင်ငံတကာခေါင်းပြောင်ကုသရေးအဖွဲ့ International Society of Hair Restoration Surgeryက ဆိုသည်။

#UnionHouseMyanmarWriter-အမ်းမ်းလောင်ရွှီ
#UnionHouseMyanmarTechnologyNews
Union House Myanmar Property Website

အိမ်ခြံမြေ ရောင်း၊ဝယ်၊ငှား (အခမဲ့) Data တင်ရန်နှင့် Registerလုပ်ရန်နှိပ်ပါ >>unionhousemyanmar.com

ONE CLICK ဖြင့်လူတိုင်းအိမ်ပိုင်ဆိုင်ခွင့်ရစေရမည်
Union House Myanmar Always For All
အားလုံးအတွက်ထာဝရ Union House